Brewed Chats: Moms' Morning Talks

بداية جديدة: علاقتي بالاخرين و حدود مسىداية جديدة: علاقتي بالاخرين و حدود مسئوليتي تجاههم.

Mon, 24 Mar 2025 07:53:39 +0000

بنيجي علي نفسنا كتير اوي عشان نرضي الي حوالينا و بننسي اننا محتاجين مسطرة و مرجعية نرجعلها لما نكون مش عارفين نعمل ايه.. ازاي نتصرف من غير ما نزعل و لا نيجي علي حد لصالح حد تاني..الاهم نفتكر احنا موجودين ليه و بنعمل ايه علي الارض و من خلال الرؤية بتاعتنا هنظبط البوصلة.

بداية جديدة: حدود و دوائر مسئولياتي

Mon, 17 Mar 2025 04:00:00 +0000

كل الامات دلوقتي عندها التخوف بتاع حدود مسيئولياتي لغاية فين؟ امتي نعاقب و امتي لا انا بنصح بس و امتي و لا ده و لا ده انا بس بآهله للفكرة…. دايما في العبادات او التذكير بيكون ساعات بالترهيب و العقاب و ده اكبر غلط.. طب نعمل ايه؟ هنتعلم مع هالة العسال امتي اعمل ايه و معملش ايه من اول و هما اطفال لغاية ما يبقي في احفاد… تعالوا نتعلم سوا عن حدودنا

بداية جديدة: رؤيتي و تربيتي لأولادي

Mon, 10 Mar 2025 03:00:00 +0000

بعد ما اتكلمنا الحلقة اللي فاتت عن علاقتنا بربنا و ازاي نعرف ايه رؤيتنا في الحياة, هنتكلم في الحلقة ده مع هالة العسال عن ازاي يبقى عندنا رؤية في تربيتنا لأولادنا. ازاي اعرف ايه رؤيتي و احدد اهدافي. ازاي كل ده لازم اربطه بقراراتي اليوميه و كل الخطط اللي بعملها في حياتهم. قولولنا بتاخدوا قرارات ازاي في تربية اولادكم؟ هل في قرارات بتندموا بعد ما تاخدوها و تحسوا انها ضد مبادئكم؟

بداية جديدة: علاقتي بربنا و رؤيتي في حياتي

Mon, 03 Mar 2025 02:00:00 +0000

مع بداية رمضان كل سنة بنحط خطط كتير لعبادات طول الشهر و مع مشغوليات كل يوم مش بنعرف ننتظم. و ده غير اصلا ان العبادات ده كلها مكانتش في اولوياتنا ولا بنعملها طول السنة. هل المشكلة اصلا في تنظيم الوقت و المشغوليات ولا المشكلة اكبر و أعمق من كدة؟ ليه دايما بنحس اننا تايهين و مش عارفين نمشي على اي خطط حاطينها؟ اسمعوا الحلقة أ-هالة العسال هتساعدنا نعرف أساس المشكلة و نحلها ازاي

مفيش حاجة جاية في السكة؟

Mon, 16 Dec 2024 04:00:00 +0000

جملة برضو بنسمعها كتير. كل اللي متجوزين جديد بيبقوا متلخبطين بين كلا اهلهم واللي حواليهم انهم ياخدوا خطوة الخلفة بس في نفس الوقت شايفين كل اصحابهم اللي حواليهم مضغوطين ازاي و مشغولين مع أطفالهم. شايفين ازاي ده مسؤولية كبيرة. و ساعات الوعي الزيادة ده بيخليهم مترددين زيادة و حاسين انهم مش مستعدين. طيب ايه الافضل نخلف على طول ولا نستنى؟ و نعرف ااي اننا مستعدين؟ هل في استعدادات اصلا؟

مش هنفرح بيكي بقى؟

Mon, 09 Dec 2024 04:00:00 +0000

مهما الدنيا اتطورت برضو كل البنات سمعت الجملة ده. طيب البنات اللي اتجوزت بدري مرتاحين و مبسوطين؟ ولا البنات اللي اتجوزت متأخر؟ ايه الناسب أكتر؟ ولا كل حد ليه ظروفه و كل سيناريو ليه مميزاته و عيوبه؟ و امتى تعرفي انك فعلا مستعدة للجواز؟ شوفوا الحلقة الجديدة مه د. ناتالي نزيه و تجربتها الشخصية في توقيت الجواز و رأيها في عيوب و مميزات كل سيناريو.

مش قادرة ابقى أم النهاردة

Mon, 02 Dec 2024 04:00:00 +0000

اوقات كتير بتحسي انك عايزة تاخدي اجازة او تهربي. حتى امهتنا زمان كانوا بيقولوا همشي و محدش يعرفلي طريق. الشغل او الدراسة اة اي حاجة تانية ليها اجازة الا الامومة. حتى لو بعدتي او سافرتي برضو هم لسه في دماغك. طيب بتحسي بكدة ليه و تقدري تعملي ايه لما توصلي للاحساس ده؟ اسمعي الحلقة و قوليلنا بتعملي ايه لما توصلي للمرحلة ده

مفيش سمعان كلام!

Sun, 24 Nov 2024 22:00:00 +0000

في بداية مشوار الأمومة منتي فاكرة انه اكيد كل ما الطفل يكبر كل ما الدنيا هتبقى اسهل. مع الوقت بتعرفي ان كل مرحلة ليها مميزاتها و التحديات بتاعتها. سن الطفولة المبكرة (سنتين و ثلاث سنوات) ده اول مرحلة الام بتواجه فيها تحديات في التربية و التعامل مع الطفل. مرحلة مختلفة تماما عن التعامل مع رضيع كل التحديات عبارة عن رعاية فقط. مرحلة فيها اختبار كبير لصبرنا و تحكمنا في مشاعرنا. مع ضيفة الحلقة سلمى مصطفى مدربه تربيه ايجابيه معتمده، وكوتش متخصصه في التربيه والعلاقات الاسريه هنتكلم ازاي نتعامل مع التحديات ده.

أمومة + بيت+ مذاكرة يعني معادلة صعبة

Mon, 18 Nov 2024 04:00:00 +0000

اي حد بيشتغل دايما محتاج يطور من نفسه في شغله ياخد دورات دبلومات كورسات او دراسات عليا. طيب و الأم؟ يعني امومة و بيت و اولاد و شغل و كمان دراسة؟ أزاي؟ امهات كتييير مضغوطة انها توفق بين كل ده. اسمعوا الحلقة ده بنتكلم عن حياة الأم اللي بتدرس و تشتغل و ايه الحلول اللي ممكن نعملها علشان نسهل الدنيا شوية

أصلهم قالوا كدة على النت

Mon, 11 Nov 2024 04:00:00 +0000

كام مرة قرأنا كومنت بجد ممكن يعمل مصيبة على بوست في نصيحة للأم. النت و الوسائل التواصل الإجتماعي أكيد فادتنا كأمهات و سهلت علينا حاجات كتير في الأمومة. معلومات و توجيهات و دعم اكيد امهاتنا كانوا بيتعبوا اوي علشان يوصلوا له زمان. بس برضو زي اي حاجة ليها مميزات ليها اضرار و عيوب. أيه مشاكل السوشيال ميديا و ازاي نتجنبها. شوفوا الحلقة مع ضيفة الحلقة إستشاري الأسري المعتمدة د. رضوى عبد الحميد.

معروفة الطفل لازم يبقى متعلم قبل المدرسة

Mon, 04 Nov 2024 04:00:00 +0000

اي ام مرت او لسه يتمر بفقرة تقديمات المدارس عارفة قد ايه هي فقرة فعلا صعبة و من الحاجات اللي في الامومة اللي الناس مش بتتخيل أبدا انها مرهقة من جميع النواحي. بتاخد وقت كبير يمكن بتقعدي سنة قبلها تدوري. و تلفي و تسألي. نفسيا مضغوطة انك تختاري لطفلك الاحسن. حاسة انه اول قرار مصيري تاخديه له و هيأثر على فكره و تكوين شخصيته و نفسيته و حياته كلها. شوفي الحلقة كلملة بنتكلم عن كل اللي الام بتمر بيه و على الحيرة اللي هي فيها. و ايه الاساسيات اللي عليها نبني قرار زي ده؟

محدش قالي ان الجواز "حلو أوي كدة"

Mon, 28 Oct 2024 03:00:00 +0000

قبل الجواز ده حاجة و بعد الجواز حاجة تانيه خالص؟ اكيد كلنا شوفنا متجوزين بينهم مشاكل او عدم تفاهم او برود و قولنا احنا مش هنبقى زيهم. احنا اكيد مش هنوصل لكدة. اتجوزتوا؟ فهمتوا ان الجواز مش سهل و محتاج مجهود؟ اكتشفتوا ان عادي الواحد ممكن بسهولة يوصل لده لو مشتغلش مع شريك حياته على علاقتهم؟ طيب ايه الاساسيات اللي لازم تبقى موجودة علشان الجواز يبقى ناجح؟ قولولنا في التعليقات رأيكوا في الحلقة.

تلات أفراد يا فندم

Mon, 21 Oct 2024 03:00:00 +0000

ساعات كتير بننسى ان مرحلة الامومة ده مش مجرد ان البيبي او الطفل اللي معانا محتاج رعاية. الأمومة فيها تغييرات كتير محتاجين نتعود عليها و فيها حاجات كتير محتاجين نتعلمها و من اهمها ازاي نتأقلم على الحياة الجديدة من غير ما نيجي على الطفل ازاي نحط في حسابتنا انه فرد جديد ليه احتياجات و تفضيلات لازم نحترمها. حلقة جديدة مع ضيفة الحلقة رنا بكيرمدربة تربية ايجابية.

فين بوسة مامي؟

Mon, 14 Oct 2024 03:00:00 +0000

ساعات كتير سرعة الحياة بتخليكي تنسي توقفي و تاخدي منهمحضن كبير طويلمن غير سربعة. و تيجي بعد ما يناوا تبصي عليهم تحسي انهم واحشينك و تفضلي تبوسيهم كتييير. طيب فكرتي قبل كدة بتعبري عن حبك ليهم كفاية ولا لأ؟ طيب هل هم وصلهم كمية الحب اللي في قلبك ولا طول اليوم واخدين الوش بتاع التعليمات و التوجيهات و التعديلات. طيب لما يكبروا هيفتكروا كنتي بتعبيرلهم عن حبك ازاي؟ قوليلنا بتعبري عن حبك ليهم ازاي؟

عادي ما كل الناس بتخلف

Mon, 07 Oct 2024 03:00:00 +0000

"عادي كلنا خلفنا قبل كده" اكيد سمعتي الجملة ده قبل كدة. بس اكيد بيدور في دملغك " بس انا اول مرة ابقى أم". هل ده تغيير سهل عليكي؟ و لا ده مرحلة اصلا جديدة في حياتك فيها تغييرات كتير. هل ممكن ترجعي لحياتك القديمة؟ حلقة جديدة مع هند القاضي (مدربة معتمدة من ال ICF و ال MCF) هنتكلم فيها عن الافكار و المشاعر اللي بتدور في دماغك في المرحلة ده.Production House: Ferkish StudioMusic Ashraf Rizk

المينيو ايه النهاردة؟ خناقات

Mon, 30 Sep 2024 03:00:00 +0000

الخناقات بعد الجواز غير قبل الجواز خااالص. و حاجة اول ما اتجوزتي اكتشفتي انها من طبيعة الجواز و مفيش جواز من غير خناق. بس لا انت ولا هو عندكوا فكرة ازاي نتعامل لما نتخانق. جربتوا كتير و خناقات كتير كبرت على الفاضي و اخدتوا و قت كتير لحد ما وصلتوا لطريقة للتواصل وقت الخناق افضل. او لسه موصلتوش. اسمعي الحلقة كاملة بنتكلم على التحديات اللي بنواجها في الخناق و ممكن نعمل ايه علشان نتفادى ده.

ساحرة ولا مش ساحرة

Mon, 08 Jul 2024 02:00:00 +0000

طول عمرك بيبقى في توقعات محطوطة من اللي حواليكي. لكن اول ما تبقى ام كم التوقعات و حجمها بيزيد و كمان بيبقى في اطراف كتير متوقعين منك كذا حاجة. و تفضلي في دوامة التوقعات اللي محطوطة عليكي و محدش شايف ده هيأثر ازاي عليكي انتي نفسيا/صحيا و حتي فكريا. و في الاخر بتبقى متلخبطة لما التوقعات دخ تتعارض مع اللي انتي شيفاه صح او عيزاه

"للرجال فقط"

Mon, 01 Jul 2024 02:00:00 +0000

ليه دايما في احساس ان الست مش هتعرف تبقي قد مسئولية الشغل ؟ ليه لازم نبذل مجهود اكتر من الراجل ١٠٠٠٠٠ مرة بس عشان نثبت ان يعتمد علينا و هنتحمل أعباء و ضغوطات الشغل؟ كام مرة حسيتي انك لو راجل كان الموقف اللي محطوطة في ده هيختلف تماما ؟

عايزة ورد يا إبراهيم

Mon, 24 Jun 2024 02:00:00 +0000

وقت الخطوبة و اول الجواز كان عندنا وقت كتير نقضيه مع بعض. كان في وقت مخصص بس نكلم، نخرج، نعمل حاجة بنحبها مع بعض. فجاة بعد ما يبقى عندنا اولاد بنقعد نفكر كتييير ازاي وصلنا ان مفيش وقت لبعض و حتي قعدتنا كلها بقت كلام عن مصاريف و مشاوير و حاجات لازم نعملها. بيوحشنا وقت الرومانسية و الكلام الحلو و الورد و الخروجات و كلنا بنحس اوي بجملة هند صبري " عايزة ورد يا ابراهيم". اسمعوا الحلقة و قولوا لنا بتعملوا ايه علشان تعرفوا تقضوا وقت مع بعض

أشتغل ولا أقعد في البيت و أطلع الفرخة تفك

Mon, 10 Jun 2024 02:00:00 +0000

ساعات كتير بتفكري في وضعك ، هل ده احسن اختيار و الصح انك تشتغلي ؟ و لا الصح انك تقعدي في البيت ؟ و لا مفيش صح و غلط ؟ دايما بتفكري و عايزة تحققي كل حاجة علي قد ما تقدري و ميجيش علي حساب عيلتك اللي مسئولة عنها. قولي لنا بتفكري ازاي و ايه اللي بيدور في دماغك؟ و شاركينا على صفحتنا على انستجرام

https://www.instagram.com/brewed_chats?igsh=cnJrYWlzanl2cGly

دماغ شغالة مش بتنام

Mon, 03 Jun 2024 02:00:00 +0000

دماغ اي حد بتفكر نقول ٢٠ ساعة ؟؟ دماغ اي أم بتفكر ٢٤/٧ .. طول الوقت يا بنرتب حاجة يا بنفكر في حاجة يا بندور علي حاجة. بنفكر في كذا حاجة في نفس الوقت 😂.. ازاي ده بيأثر علينا و ايه اللي لازم نعمله ده اللي بنتكلم عنه اكترفي الحلقة.

ألصحاب في أجازة

Mon, 27 May 2024 07:02:58 +0000

الصحاب من أهم الناس اللي ممكن وجودهم يفرق في حياتك 180 درجة و ممكن تعتمد عليهم في حاجات كتير. ممكن خروجة أو مكالمة أو حتي ستيكر تبعته يغير حاجة في يومك كله. هل الامومة بتاثر على علاقتنا باصحابنا؟ شاركونا رايكوا على صفحة البودكاست على الانستجرام.

يلا خلصي أكلك كله

Mon, 20 May 2024 02:00:00 +0000

اكبر حاجة بتشغل بال كل الامهات سواء بتشتغل او لا هي هناكل ايه النهارده؟ و هل الاكل ده افيد حاجة ليهم؟ هل انا كدة بديهم كل حاجة جسمهم محتاجها؟ و لو مأكلوش كويس بنحس بذنب و تقصير رهيب.معركة في دماغنا عشان عايزين نوفر كل العناصر اللي محتاجنها و نعملهم حاجة بيحبوها

كل الناس بتتدخل في حياة كل الأمهات

Sun, 12 May 2024 17:17:08 +0000

كلنا بنقابل ناس في حياتنا بيتدخلوا في ادق التفاصيل و الحاجات اللي فاهمينها و اللي مش فاهمينها.. منهم ناس بنشوفهم كتير و مضطرين نتعامل معاهم و منهم ناس ممكن نشوفهم صدفة مرة او اتنين ..ساعات بيكونوا فعلا عايزين يساعدونا و ساعات بيبقي تنظير بلا هدف . بتعملوا ايه في المواقف اللي زي دي و ازاي بتعرفوا تحافظوا علي مبدأكم او معتقداتكم و منتوهش في الرحلة

الكبير لازم يتظبط علشان يظبطكم

Mon, 06 May 2024 02:00:00 +0000

دايما نفسك تعملي حاجة ليكي تبسطك و تجددي بيها نشاطك و ترجعي الطاقة عشان تكملي في دور الأم و الزوجة و العاملة .. المسؤوليات الكتير بتاثر على صحتنا النفسية و بتوصلنا لمرحلة ان مفيش طاقة عندنا نعمل بيها اي حاجة. ازاي الوقت الخاص بينا بيدينا احساس بالراحة و بيدينا طاقة و يخلي في سلام نفسي و هدوء في علاقتنا بازواجنا و بالأولاد ..اسمعوا الحلقة و قولولنا ازاي بتختاروا الوقت الخاص بيكم و بتعملوا فيه ايه و ازاي بتجددوا الطاقة بتاعتكم.

يلا يلا يلااااااا متأخريييين

Mon, 29 Apr 2024 02:00:00 +0000

كل ما نحاول نضبط مواعدنا برضو نتأخر. علشان نجهز احنا و اولادنا محتاجين كااام ساعةز تعالوا اسمعوا الحلقة عن ازاي بنحاول نحط خطط كتيييير علشان منتاخرش و ايه سبب المشكلة و ازاي ممكن نشوفلها حل؟

عايزة أناااام

Mon, 22 Apr 2024 03:30:00 +0000

عايزة انااام. كام وحدة اتقالها و هي حامل نامي دلوقتي قبل ما متعرفيش تنامي بعدين. طيب امتى احساس عايزة انام ده هيقف؟ اول ما يتم 3 شهور ولا لما نخل الاكل ولا لما يتفطم ولا لما يروح الحضانة؟ ولا خلاص كدة بلاش نحلمز اسمعوا الحلقة و قوللنا رايكم و قصتكم مع النوم و الاولاد.

صفحتنا في اللينك دشاركونا رايكم على بوست الحلقة على

https://www.instagram.com/brewed_chats?utm_source=ig_web_button_share_sheet&igsh=ZDNlZDc0MzIxNw==

الاجازة اجازة ولا الشغل هو اللي اجازة

Mon, 15 Apr 2024 03:00:00 +0000

كل سنة و انتوا طيبين يا رب تكون اجازة عيد حلوة اتبسطوا و ارتاحتوا و فصلتوا من الشغل. ولا مرتحتوش و مفصلتوش؟ اسمعوا الحلقة. بنتكلم فيها عن ازاي بنخرج من الاجازة تعبانين علشان احنا امهات

Coming Soon

Sat, 06 Apr 2024 14:25:57 +0000

بودكاست كل يوم اتنين مع نورا وألاء
Join Us هنتكلم عن حياتنا و ازاي الامومة بتأثر عليها و اللخبطة و الدوشة اللي في دماغ كل أم. يلا هاتي قهوتك و

Tune in on 15th of April for a mom's heart to heart talk that you will never want to miss.