كلام بالعقل مع د.باسم سليمان

صراعات داخلية

Mon, 05 Jan 2026 18:33:35 +0000

الحلقة دي بنتكلم عن الصراعات الداخلية اللي مش دايمًا الناس شايفينها، والحرب اللي أوقات بنحسها ما بين الصورة اللي الناس شايفانا عليها، والحياة اللي فعلاً عايشنها وهنتعرف على إزاي نتعامل مع الضغوط الداخلية، ونفهم الفرق بين توقعات الآخرين والحقيقة اللي جوانا.

بودكاست كلام بالعقل -"صديق ولا غريب؟" (مساحة آمنة ٤)

Mon, 29 Dec 2025 20:20:59 +0000

الصداقة كنز عظيم ورحلة طويلة بين شخصين، بيحصل فيها لحظات صعود وهبوط .. أوقات حلوة بنفرح فيها سوا وأوقات تانية بتكون صعبة علينا ووقتها بنقف لحظة مع نفسنا ونتسائل هل الشخص اللي قدامنا ده "صديق ولا غريب؟" شاركونا في الكومنتات مواقف عديتوا بيها مع أصحابكم والمواضيع اللي تحبوا نتكلم فيها.-------------------------------------------------------------------------------------------------Follow us : فيسبوك - https://www.facebook.com/TPPnetwork.FBإنستاجرام - https://www.instagram.com/tpp.networkتيك توك - https://www.tiktok.com/@tpp.network

النفس اللي تعبت ومحدش حاسس بيها

Mon, 22 Dec 2025 19:14:47 +0000

النفس اللي تعبت ومحدش حاسس بيها

"أنا عندي إيه؟" (مساحة آمنة ٣)

Mon, 15 Dec 2025 16:36:40 +0000

أسئلة كتير بتدور في دماغنا عن حاجات مختلفة بنمر بيها في حياتنا، ومواقف بتحصل فجأة، أو إحساس مش مفهوم. ومع ده، بنفضل ندور على إجابة لسؤال واحد بيتكرر جوانا:“أنا عندي إيه؟"

بودكاست كلام بالعقل - الصوت اللي جوايا

Mon, 08 Dec 2025 15:32:55 +0000

في الحلقة دي من بودكاست كلام بالعقل مع د. باسم سليمان بنتكلم عن الأصوات اللي جوه دماغنا بنجاوب على السؤال اللي بيحيرنا, ايه الأصوات دي وسببها وبتيجي منين جوانا؟ سواء بقى الناقد اللي بيجلدك ويفكرك بأخطاء الماضي، أو المنقذ اللي عايز يحميك بس بطريقة غلط، أو صوت العقل اللي بيشوف الصورة كاملة أو غيرهم.وهنعرف الفرق بين الخوف من الفشل والخوف من الغلط، وإزاي نعدي من فخ الكمال والمقارنة والأهم، هنتعلم إزاي نتعامل مع أصواتنا الداخلية.شاركنا في التعليقات إيه أكتر صوت بيسيطر عليك؟

------

Follow us : فيسبوك - https://www.facebook.com/TPPnetwork.FBإنستاجرام - https://www.instagram.com/tpp.networkتيك توك - https://www.tiktok.com/@tpp.network

بودكاست كلام بالعقل - هل ده الشخص الصح؟ ( مساحة آمنة ٢)

Mon, 01 Dec 2025 16:23:39 +0000

في الحلقة دي، هنتناقش في أسئلتكم ومشاكلكم اللي بتواجهوها في العلاقات.الهدف الأساسي هو إننا نفهم خطورة العلاقة اللي تحت التهديد وإزاي نحافظ على كرامتنا وعزة نفسنا قدام خوف الوحدة. ونتعلم إزاي نوازن بين العقل والقلب في اختيار شريك الحياة ، وإزاي نتجاوز صدمة الخيانة عشان نقدر نثق ونبدأ من جديد.شاركونا في الكومنتات اسألتكم والمواضيع اللي تحبوا نتكلم فيها.Follow us : فيسبوك - https://www.facebook.com/TPPnetwork.FBإنستاجرام - https://www.instagram.com/tpp.networkتيك توك - https://www.tiktok.com/@tpp.network

بودكاست كلام بالعقل - لما مشاعرك تتكلم من وراك

Mon, 24 Nov 2025 20:41:16 +0000

في الحلقة دي، هنتناقش في اللحظات اللي مشاعرنا "بتخونا" فيها وبتتكلم من ورانا، وإزاي جسمنا ممكن يشتكي بوجع حقيقي زي الصداع أو الدوخة لما بنحاول نكتم اللي جوانا ونقول "إحنا تمام".الهدف الأساسي هو إننا نفهم إيه هي "الأعراض النفسجسمانية" (السيكوسوماتيك)، وليه ربنا خلق المشاعر السلبية زي الخوف والغضب كـ "جهاز إنذار" لينا. ونتعلم إزاي نحط حدود تحمي مشاعرنا من "طوب" الناس وكلامهم الجارح، ونعرف المعنى الحقيقي لـ عزة النفس عشان منقبلش بأقل من اللي نستحقه.شاركونا في الكومنتات، إمتى حسيتوا إن جسمكم بيوجعكم بسبب حالتكم النفسية؟Follow us : فيسبوك - https://www.facebook.com/TPPnetwork.FBإنستاجرام - https://www.instagram.com/tpp.networkتيك توك - https://www.tiktok.com/@tpp.network

بودكاست كلام بالعقل - خد نَفَسَك وسط انشغالك (مساحة آمنة ١)

Mon, 17 Nov 2025 18:07:02 +0000

في الحلقة دي، هنتناقش في أسئلتكم ومشاكلكم اللي بتواجهوها في الشغل وإزاي بتاثر على حياتكم كلها. الهدف الأساسي هو إننا نشوف إزاي تحط حدود عشان كرامتك واحترامك في الشغل ميروحوش. ونتعلم نرتب أولويات الحياة صح، وإزاي نحسب قيمة "راحة البال" قبل القيمة المادية اللي بناخدها من الشغل عشان نعرف نوازن بين الشغل وبين إننا نعيش حياة كريمة.شاركونا في الكومنتات اسألتكم والمواضيع اللي تحبوا نتكلم فيها.Follow us : فيسبوك - https://www.facebook.com/TPPnetwork.FBإنستاجرام - https://www.instagram.com/tpp.networkتيك توك - https://www.tiktok.com/@tpp.network

بودكاست كلام بالعقل - الأقنعة الاجتماعية

Mon, 10 Nov 2025 15:44:52 +0000

القناع.. مش مجرد حاجة بنخبي بيها وشنا.. هو شخصية بنعيشها لحد ما ننسى إحنا مين.في حلقة جديدة من "لام بالعقل، د. باسم سليمان بيوضحلنا في حلقة الأقنعة الاجتماعية، إزاي الخوف من الرفض وضغط التوقعات بيجبرونا نعيش بشخصيات مش حقيقية.

الوحدة وسط الزحمة

Mon, 03 Nov 2025 17:56:25 +0000

الوحدة.. مش مجرد إنك تبقى لوحدك.. هي إحساس ممكن يسيطر عليك وإنت وسط الزحمة، أو وإنت في جوازك، أو حتى وإنت بتضحك. في الحلقة الأولى من الموسم الرابع، بيتعمق د. باسم سليمان في أخطر أنواع الوحدة.. الوحدة اللي بتخليك غريب عن نفسك. هنتساءل: إيه الفرق الحقيقي بين العزلة والوحدة؟ ليه ممكن العلاقة اللي المفروض تكون مصدر أمان، تتحول لمكان بيولّد إحساس الوحدة؟ هل ممكن تكون عايش وسط أهلك وأصحابك، وبرضه تحس إن مفيش حد فاهمك؟ الحلقة دي هي فرصة تكتشف فيها نفسك و تردم المسافة اللي بينك وبينها، وتفهم إزاي الوحدة بتأثر على علاقاتك في كل مستويات الحياة.

Follow us :
فيسبوك - https://www.facebook.com/TPPnetwork.FB
إنستاجرام - https://www.instagram.com/tpp.network
تيك توك - https://www.tiktok.com/@tpp.network

إحساسك بالخوف مش ضعف

Mon, 04 Aug 2025 12:30:00 +0000

عمرك حسيت إنك خايف ومش عارف من إيه؟ أو بتتكسف تعترف بخوفك عشان ما يبانش إنك ضعيف؟ في آخر حلقة من الموسم التالت من كلام بالعقل، د. باسم سليمان بيكسر لنا الصورة النمطية عن الخوف، وبيفهمنا إنه مش عيب ولا ضعف، ده إحساس طبيعي، وله دور مهم في حياتنا. من قصة سيدنا موسى، لحد الرهاب الاجتماعي ونوبات الهلع والخوف من الفشل أو الوحدة. هنكتشف مع بعض أنواع الخوف، ليه بيحصل، وإزاي نقدر نعيش معاه من غير ما يسيطر علينا

مساحة آمنة ٤

Mon, 28 Jul 2025 21:01:07 +0000

في الحلقة دي من كلام بالعقل، د. باسم بيرد على رسائل من ناس بتواجه مواقف إنسانية مختلفة. من أب بيتساءل ليه زوجته اللي كانت بتحلم بالأمومة بقت مكتئبة وعصبية بعد الولادة، لأم مش قادرة تتعامل مع غضب ابنها الشاب اللي حياته وقفت بسبب الرفض الاجتماعي. بنسمع كمان عن أم تانية بتحاول تفهم تصرفات ابنها المراهق اللي اتغير تمامًا ورفض أي حوار أو مسؤولية، وصديق حاسس بالعجز قدّام واحد من أقرب الناس ليه بيغرق في عزلة وحزن من غير سبب واضح. الحلقة دي بتفكك المشاعر المتداخلة دي، وبتقدم طرق للتعامل معاها بفهم وهدوء

! أنا مكتئب ولا عندي اكتئاب

Mon, 21 Jul 2025 15:07:45 +0000

في الحلقة دي من بودكاست "كلام بالعقل"، د. باسم سليمان بيشرح الفرق بين الاكتئاب والمشاعر العادية زي الحزن أو الملل، ويفهمنا ليه الاكتئاب مش دلع ولا ضعف إيمان، لكنه اضطراب نفسي حقيقي بيأثر على التفكير والمشاعر. بنتكلم عن أعراضه، أسبابه، والطرق اللي ممكن نساعد بيها اللي بيعاني منه من غير حكم أو تجريح. حلقة مهمة لأي حد بيحاول يفهم نفسه أو اللي حواليه أكتر.

اسمعوا واتفرجوا على الحلقة كاملة على يوتيوب وكل منصات البودكاست

مساحة آمنة ٣

Mon, 14 Jul 2025 14:39:25 +0000

ليه بنثق في الناس بسرعة وبنندم بعد كده؟ هل طبيعي نحس بالذنب لما نختار نفسنا وسط مسؤوليات أكبر من طاقتنا؟ إزاي نعرف نفرّق بين الحذر والوسواس القهري؟ وهل ممكن نعالجه من غير أدوية؟ في الحلقة دي من "مساحة آمنة"، د. باسم سليمان بيجاوب على الأسئلة دي وبيساعدنا نتعامل مع التحديات دي بطريقة واعية وعملية

واحنا اللي كنا فاكرينهم أصحابنا

Mon, 07 Jul 2025 13:45:00 +0000

مش كل اللي بنسميهم أصحاب يستحقوا الكلمة.

في حلقة النهاردة من #بودكاست_كلام_بالعقل، بنتكلم عن علاقة الصداقة: إمتى نقول على حد "صديقي بجد"؟ وإزاي نفهم مين اللي يستحق يبقى قريب مننا ومين مجرد عابر؟

د. باسم سليمان بيشاركنا مواقف واقعية وأفكار بتمر علينا عن خيبة الظن، الثقة اللي بتتحط في المكان الغلط، والمشاعر اللي أوقات بنديها لناس مش قدها.

لو حسّيت يوم إنك اندفعت في علاقة وسميتها صداقة بسرعة… أو حسيت إنك اتخدعت من شخص كنت شايفه "صاحب العمر"، الحلقة دي ليك.

اسمعوا واتفرجوا على الحلقة كاملة على يوتيوب وكل منصات البودكاست

قلق خارج السيطرة

Mon, 30 Jun 2025 13:48:21 +0000

هل التفكير الكتير عادي؟ ولا أنا كدا بقلق؟

في الحلقة دي من كلام بالعقل، د. باسم سليمان بيشرح الفرق بين القلق الطبيعي والقلق المرضي، أنواعه، وأعراضه، وازاي نقدر ندير أفكارنا ونفهم مشاعرنا.

اسمعوا الحلقة واعرفوا إزاي تهدوا سرعتكم وتتعاملوا مع قلقكم بوعي.

#بودكاست_كلام_بالعقل

مساحة آمنة 2

Mon, 23 Jun 2025 13:08:42 +0000

في حلقة جديدة من كلام بالعقل، د. باسم بيرد على مجموعة أسئلة جديدة من مستمعين بيمروا بلحظات صعبة في حياتهم. من تحديات الطلاق وتأثيره على الأطفال، لفقدان الأمان بعد رحيل شخص عزيز، لمشاعر الخوف من الارتباط، والغضب اللي ملوش سبب واضح. حلقة مليانة مشاعر وأسئلة ممكن تلمس كل واحد فينا

دماغي مش بتبطل تفكير

Mon, 16 Jun 2025 13:01:14 +0000

في الحلقة دي من بودكاست كلام بالعقل، د. باسم سليمان بيكلمنا عن واحدة من أكتر الحاجات اللي بتتعبنا نفسياً: التفكير الزائد – Overthinking

ليه بنفكر كتير؟ وهل فعلاً نقدر نوقف عقلنا عن التفكير؟ ولا دي حاجة خارجة عن إرادتنا؟

اسمعوا واتفرجوا على الحلقة على يوتيوب وكل منصات البودكاست وقولولنا في التعليقات: إمتى بتحسوا إن تفكيركوا بيهزم بدل ما يساعد؟

مساحة آمنة

Mon, 09 Jun 2025 12:38:22 +0000

ليه بقيت حاسس إنك زهقت من كل حاجة؟ هل ممكن فعلاً علاقة الأم تبوظ جوازة؟ وإمتى يتحول الإحساس بالذنب لعبء؟ في حلقة مساحة آمنة ١ – الموسم التالت، د. باسم سليمان بيرد على أسئلتكم بصراحة وهدوء. مساحة آمنة هي الحلقات اللي بنسمع فيها ليكم… بنقرأ أسئلتكم الحقيقية ونحاول نجاوب بكل وعي واهتمام.

أنا عندي إيه يا دكتور؟ ما عندكش حاجة

Mon, 02 Jun 2025 12:43:44 +0000

في وسط ضغط الحياة، بنقف قدام سؤال بسيط

"هو انا عندي إيه؟"

في الحلقة دي من بودكاست كلام بالعقل، د. باسم سليمان بيوضح الفرق بين المشاعر الإنسائية الطبيعية والاضطرابات النفسية، وبيكشف لنا ليه مش كل تعب معنوي معناه إنك "مريض"، وليه العلاج النفسي مش وصمة، ولا رفاهية.

منحكي عن مفاهيم مضللة في "تطوير الذات"، وعن توقعات غير واقعية للسعادة، وهنرجع نعيد تعريف حب النفس، وتقبل الذات. لو بتحص إنك محتاج ترتب افكارك وتفهم نفسك أكتر، الحلقة دي ليك.

الجينات الإجرامية: بنتولد بيها ولا بنكتسبها؟

Mon, 14 Apr 2025 20:00:00 +0000

الحلقة دي مختلفة عن الحلقات السابقة، علشان هنتكلم فيها مع مروة حجازي كلام بالعقل، وهنجاوب على سؤال البودكاست بتاعها "هو في إيه يا جماعة؟ هي الناس ليه بتقتل؟ وهل ممكن حد يخطط لجريمة وهو في كامل وعيه؟.. وهل المرض النفسي ممكن يكون مبرر؟ ولا في فرق بين إنك مريض وإنك خطير على المجتمع؟"

الندم بيموتني

Mon, 07 Apr 2025 11:00:00 +0000

في حلقة النهاردة من بودكاست "كلام بالعقل" مع د. باسم سليمان، هنتكلم عن الندم، إزاي نتخطى الاحساس بالندم ونعيش بسلام مع نفسنا ونسامح نفسنا على اخطائنا اسمع الحلقة واعرف الإجابة! #كلام_بالعقل #دكتور_باسم_سليمان كلام بالعقل” هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح تساعدنا نفهم نفسنا أكتر ونعيش حياة نفسية أفضل

. #بودكاست_كلام_بالعقل اشترك فى القناة الرسمية:
https://www.youtube.com/@tpp.network?sub_confirmation=1 شاهد المزيد من المقاطع و الحلقات: https://www.youtube.com/playlist?list=PL7TpI0K9I87L1w5NlVJRfPpcFpA1Y0q4t تابعونا على: TPP فيسبوك -https://www.facebook.com/share/15bRyw11Rw/ إنستاجرام - https://www.instagram.com/tpp.network/ تيك توك - https://www.tiktok.com/@tpp.network?is_from_webapp=1&sender_device=pc

من برة العيادة ٤

Sun, 30 Mar 2025 16:37:32 +0000

حلقة “من برة العيادة” حلقة من القلب بيرد فيها دكتور باسم على كل أسئلتكم واستفساراتكم ونفضفض وندردش فيها سوا. تنويه: الردود على أسئلتكم مش بديل لزيارة الطبيب ولا تعتبر تشخيص بأي شكل من الأشكال. تقدروا تشوفوها وتسمعوها على يوتيوب وكل منصات البودكاست!

صعب اني أسامح

Mon, 24 Mar 2025 20:27:45 +0000

في حلقة النهاردة من بودكاست "كلام بالعقل" مع د. باسم سليمان، هنتكلم عن التسامح: إزاي نتخطى الزعل ونعيش بسلام مع نفسنا واللي حوالينا. هل فعلاً التسامح قوة مش ضعف؟ اسمع الحلقة واعرف الإجابة!

#كلام_بالعقل #التسامح #دكتور_باسم_سليمان

من برة العيادة ٣

Mon, 17 Mar 2025 19:50:00 +0000

حلقة “من برة العيادة”

حلقة من القلب بيرد فيها دكتور باسم على كل أسئلتكم واستفساراتكم ونفضفض وندردش فيها سوا.

تنويه: الردود على أسئلتكم مش بديل لزيارة الطبيب ولا تعتبر تشخيص بأي شكل من الأشكال.

تقدروا تشوفوها وتسمعوها على يوتيوب وكل منصات البودكاست!

ربنا هيريح قلبك

Mon, 10 Mar 2025 19:52:52 +0000

ربنا دايمًا بيختار الأحسن وبيطمنك..

الحلقة دي بنتكلم بالعقل ومن القلب عن موضوع راحة القلب والبال وإزاي نحافظ عليهم في حياتنا

من برة العيادة ٢

Mon, 03 Mar 2025 20:08:16 +0000

حلقة “من برة العيادة”

حلقة من القلب بيرد فيها دكتور باسم على كل أسئلتكم واستفساراتكم ونفضفض وندردش فيها سوا.

تنويه: الردود على أسئلتكم مش بديل لزيارة الطبيب ولا تعتبر تشخيص بأي شكل من الأشكال.

تقدروا تشوفوها وتسمعوها على يوتيوب وكل منصات البودكاست!

#بودكاست_كلام_بالعقل

مش كل راجل صعب نرجسي

Mon, 24 Feb 2025 14:15:36 +0000

كلمة توكسيك ونرجسي بقت أسهل كلمة نقولها.. اعرفوا صفات الشخص النرجسي واضطراب الشخصية النرجسية وهل ينفع نتعايش معاهم في حلقة جديدة من بودكاست “كلام بالعقل”

من برة العيادة ١

Sun, 16 Feb 2025 22:00:00 +0000

ردينا على بعض الأسئلة اللي جاتلنا على صفحة دكتور باسم الخاصة، وزي ما متعودين بالعقل ومن القلب بنجاوب ونفضفض معاكم.

هل إنت أب لبنتك؟

Mon, 10 Feb 2025 14:05:56 +0000

الحلقة دي المفروض يسمعها كل أب ويشوف هل هو أب لبنته بالشكل السليم ولا لأ.. نصايح للأباء والبنات في الحلقة دي مهمة جدًا

بيلعبوا بمشاعري

Mon, 03 Feb 2025 16:20:05 +0000

بالعقل ومن القلب اتكلمنا عن كل اللي بيلعبوا بمشاعرنا، وإحنا أولهم اتفرجوا على الحلقة وقولوا لنا مين قبل كدة اتلاعب بمشاعركم.

فضفضة بالعقل ٢

Mon, 06 Jan 2025 13:45:00 +0000

الحلقة الخاصة دي من بودكاست "كلام بالعقل"، بنقدم لكم فضفضة بالعقل ٢، بنسمع تجاربكم وأسئلتكم وبنتناقش فيها وهنعرف إزاي نتعامل مع العصبية وألم الفقد والقلق. في كل فضفضة، بنستعرض مواقف حقيقية بتلمس حياتنا اليومية ونحاول نلاقي حلول عملية من منظور نفسي مبسط. وهنعرف إزاي نتعامل مع العصبية وألم الفقد والقلق. "فضفضة بالعقل ٢" هي مساحة مفتوحة للمشاركة والتفكير من القلب والعقل، ضمن بودكاستنا الأسبوعي "كلام بالعقل".

إنت إنسان مهم

Mon, 30 Dec 2024 14:11:13 +0000

في حلقة “إنت إنسان مهم”، هنتكلم عن إزاي تحسوا بالنجاح وتقيّموا نفسكوا بشكل صحيح و هنقدم خطوات عملية لتحسين الإحساس بالقيمة الذاتية. “كلام بالعقل” هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح تساعدنا نفهم نفسنا أكتر ونعيش حياة نفسية أفضل.

هل في زواج سعيد؟

Mon, 23 Dec 2024 14:49:52 +0000

في الحلقة دي، بنناقش فكرة الزواج من منظور مختلف: هل الزواج المفروض يكون عن السعادة المطلقة؟ د. باسم سليمان بيتكلم عن المفاهيم المغلوطة اللي دخلها المجتمع عن الزواج، وإزاي نقدر نبني علاقة صحية ومريحة مع شريك الحياة.

أولادنا بعد الطلاق

Mon, 16 Dec 2024 14:00:00 +0000

في حلقة “أولادنا بعد الطلاق”، بنناقش التأثير النفسي العميق اللي ممكن يحصل للأطفال بعد انفصال الأب والأم، خاصة لما تتحول العلاقة بعد الطلاق لحرب بين الطرفين. د. باسم سليمان هيوضح إزاي تصرفات انتقامية بسيطة ممكن تترك أثر سلبي على نفسية الأطفال، وليه الولاد في مراحل عمرية معينة بيفكروا إنهم السبب في الطلاق، مع نصايح عملية للتعامل مع الأولاد حسب أعمارهم المختلفة.

خيانة الرجل: نهاية أم بداية؟

Mon, 09 Dec 2024 14:06:16 +0000

في الحلقة دي من بودكاست "كلام بالعقل"، بنفتح موضوع الخيانة، الجرح اللي بيأثر على الثقة، المشاعر، وحتى الهوية. بنتكلم عن إزاي الست بتعيش صدمة الخيانة، الفرق بين اللي متوقعة إنه ممكن يحصل واللي ما يخطرش على بالها، وإزاي ممكن تتعامل مع الجرح ده سواء قررت تنهي العلاقة أو تبدأ من جديد.

د. باسم سليمان بيشاركنا قصص واقعية عن الخيانة وتأثيرها النفسي، وبيوضح الفرق بين الأسئلة اللي تساعدنا نفهم دوافع الخيانة والأسئلة اللي تزيد الألم. بنتكلم عن دور الثقة والضمير في منع الخيانة، إزاي تعزز ثقتك بنفسك في رحلة التعافي، وإزاي نقدر نحول الأزمة لفرصة إذا قررنا نستمر في العلاقة.

فضفضة بالعقل ١

Mon, 02 Dec 2024 16:12:25 +0000

في الحلقة الخاصة دي من بودكاست "كلام بالعقل"، بنقدم لكم فضفضة بالعقل، بنسمع تجاربكم وأسئلتكم وبنتناقش فيها. في كل فضفضة، بنستعرض مواقف حقيقية بتلمس حياتنا اليومية ونحاول نلاقي حلول عملية من منظور نفسي مبسط.

في الحلقة دي، بنتناول ٣ قصص واقعية:

صديق قلق على صاحبه اللي بدأ يعزل نفسه وبقى يواجه صعوبات نفسية قد تكون اكتئاب.
أم بتواجه تحديات مع ابنها المراهق اللي بقى ينسحب من الأسرة ويتعامل بعدوانية.
شابة بتلاقي صعوبة في الحفاظ على علاقاتها بسبب حساسيتها الزائدة تجاه النقد والانفعالات السريعة.

د. باسم سليمان بيشاركنا برؤيته وأفكاره للتعامل مع المواقف دي، وبيدينا أدوات تساعدنا نحتوي اللي حوالينا ونتعامل مع تحدياتنا الشخصية بمسؤولية ووعي.

"فضفضة بالعقل" هي مساحة مفتوحة للمشاركة والتفكير من القلب والعقل، ضمن بودكاستنا الأسبوعي "كلام بالعقل".

“كلام بالعقل” هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح تساعدنا نفهم نفسنا أكتر ونعيش حياة نفسية أفضل.

جوايا غضب

Mon, 25 Nov 2024 14:04:25 +0000

في الحلقة دي من بودكاست “كلام بالعقل”، بنفتح ملف الغضب، المشاعر اللي كلنا بنمر بيها لكن أوقات كتير بتتحكم فينا بدل ما نتحكم فيها. هل الغضب شعور سلبي على طول؟ ليه ساعات بنغضب بسرعة ومن حاجات بسيطة؟ وإزاي نقدر نعبّر عن غضبنا بطريقة صحية من غير ما نؤذي نفسنا أو غيرنا؟

كلام بالعقل” هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح تساعدنا نفهم نفسنا أكتر ونعيش حياة نفسية أفضل.

جالي عريس، أكمل ولا لأ؟

Mon, 18 Nov 2024 14:00:00 +0000

في الحلقة دي من بودكاست "كلام بالعقل"، بنناقش واحد من أصعب القرارات اللي ممكن نواجهها: هل أكمل مع شريك حياتي ولا لأ؟ د. باسم سليمان بيشاركنا بأفكار عملية تساعدنا نفكر بعقلنا ونفهم إحساسنا لما نلاقي نفسنا في مواقف مشابهة. بنتكلم عن الفرق بين الصفات اللي ما بتتغيرش والاختلافات اللي ممكن نتأقلم معاها، إزاي نتعامل مع احتياجاتنا النفسية بدون ما نضحي بكرامتنا، وأهم العلامات اللي لازم ناخد بالنا منها قبل ما نقرر نكمل في علاقة.

"كلام بالعقل" هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح عملية تساعدنا نفهم نفسنا أكتر ونعيش حياة نفسية أفضل.

تواصوا مع دكتور باسم على منصات التواصل الاجتماعي:

فيسبوك:
https://www.facebook.com/share/2qQZKVBuBDhQKrRp/?mibextid=LQQJ4d
إنستجرام :
https://www.instagram.com/bassem.soliman/profilecard/?igsh=NXE2d2RseXFnaDNv

ذا بوتكاست برودكشنز - The Potcast Productions
فيسبوك :
https://www.facebook.com/thepotcastproductions
إنستاجرام:
https://instagram.com/thepotcastproductions
تيك توك :
https://www.tiktok.com/@thepotcastproductions

مش بعرف انبسط

Mon, 11 Nov 2024 12:00:00 +0000

في الحلقة دي من بودكاست "كلام بالعقل"، بنتكلم عن السعادة... الحالة اللي كلنا بندور عليها، لكن مش دايماً بنلاقيها. هل لازم نكون مبسوطين على طول؟ وهل السعادة هي محطة نوصلها ولا حالة نعيشها؟ بنتكلم عن أهمية المشاعر الإيجابية والسلبية في حياتنا، وإزاي نتعامل مع الضغوط المجتمعية اللي بتأثر على تصورنا للسعادة، ونفهم ليه أوقات كتير مش بنلاقيها رغم كل محاولاتنا.

تواصوا مع دكتور باسم على منصات التواصل الاجتماعي:

فيسبوك:
https://www.facebook.com/share/2qQZKVBuBDhQKrRp/?mibextid=LQQJ4d
إنستجرام :
https://www.instagram.com/bassem.soliman/profilecard/?igsh=NXE2d2RseXFnaDNv

ذا بوتكاست برودكشنز - The Potcast Productions
فيسبوك :
https://www.facebook.com/thepotcastproductions
إنستاجرام:
https://instagram.com/thepotcastproductions
تيك توك :
https://www.tiktok.com/@thepotcastproductions

مشاعرك غالية قوي

Mon, 04 Nov 2024 13:00:00 +0000

في الحلقة دي من "كلام بالعقل"، بنتكلم عن أغلى حاجة عندنا اللي غالبًا بننساها وسط دوشة الحياة والضغوطات: مشاعرنا. بنسيب الناس حواليّنا يتدخلوا في حياتنا ويؤثروا علينا من غير ما نحط حدود واضحة. د. باسم سليمان هيكلمنا عن أهمية إننا نحمي مشاعرنا ونحافظ على حدودنا النفسية عشان ما نديش فرصة لحد يؤذينا بكلامه أو تصرفاته. ازاي نعرف نقول "لأ" وقت ما نحتاج، وازاي نفرق مين يستحق التنازلات ومين لأ.

إعلان الموسم الأول من بودكاست كلام بالعقل

Mon, 04 Nov 2024 11:00:00 +0000

جاهزين لبودكاست جديد؟
في كلام بالعقل مع د. باسم سليمان هنتكلم في مواضيع كتير بتشغل بالنا في الصحة النفسية، هنتكلم بالعقل ومن القلب عشان نحسن منظورنا تجاه نفسنا وعلاقاتنا.

استنوا الحلقات كل يوم اتنين على يوتيوب وكل منصات البودكاست.

"كلام بالعقل" هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح عملية تساعدنا نفهم نفسنا أكتر ونعيش حياة نفسية أفضل.