أفكار مع فنجان القهوة

فن الحركة رغم الألم

Sat, 31 Jan 2026 20:15:27 +0000

في الحلقة الرابعة والعشرين من بودكاست #أفكار_مع_فنجان_القهوة، كيرو بياخدنا لرحلة مختلفة… رحلة مش بتبدأ من محطة سفر، لكنها بتبدأ من جوّه الإنسان وهو واقف مكانه، حاسس إنه عالق رغم كل محاولاته إنه يتحرك.الحلقة دي مستوحاة من تجربة حقيقية عاشها الممثل جونا هيل مع طبيبه النفسي الاستثنائي فيل ستاتز… تجربة مش بتقدم كلام نظري ولا فلسفة معقدة، لكنها بتقدم “أدوات نجاة” بسيطة، مباشرة، وواقعية.هنتعرف سوا على معنى إن الألم مش عدو لازم يختفي… لكنه جزء من الطريق. وهندخل جوّه فكرة “الظل”… الصوت اللي بيشدك لتحت، والنسخة المشوهة اللي بتحاول توقفك. وهتشوف إزاي “عقد لؤلؤ” صغير… ممكن يبقى طريقة جديدة تمامًا إنك تكمل يومك خطوة بخطو، جهز فنجان قهوتك، وحضر قلبك لكلام يطبطب على روحك.

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها.دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على:qahwapodcast@gmail.comوكمان تقدروا تتابعوا كيرو على إنستجرام:www.instagram.com/keroragy

دلق القهوة خير

Sat, 17 Jan 2026 20:10:29 +0000

في الحلقة الثالثة والعشرين من بودكاست #أفكار_مع_فنجان_القهوة، كيرو بياخدنا في رحلة بتبدأ بـ "بقعة قهوة" دلقناها بالغلط على نوتة السنة الجديدة، وبناخد البقعة دي كخيط بنمشي وراه عشان نفهم ليه بنخاف من "العشوائية" وبنعشق "وهم البدايات المثالية".بنسافر في "أوتوبيس الزمن" اللي ملوش يوترن، وبنعدي على فلسفة "سبينوزا" وقصة "الخادم خير" اللي ألفناها عشان نطبطب بها على روحنا. كيرو بيشرح لنا ليه بنطارد سراب الكمال، وبننسى إن الحياة الحقيقية هي اللي بتتشكل وسط اللخبطة والصدف غير المرتبة.هنكتشف سوا إن النية الصادقة مش محتاجة ورقة بيضاء، وإن أجمل الفصول هي اللي بنكتبها وإحنا متصالحين مع "بقع" حياتنا. جهز فنجان قهوتك، وحضر قلبك لرحلة بتعلمك إزاي تبدأ من جديد.. حتى والقهوة مدلوقة.

قاعة مزادات المجتمع

Sun, 28 Dec 2025 19:08:12 +0000

في الحلقة الثانية والعشرين من بودكاست #أفكار_مع_فنجان_القهوة، كيرو بياخدنا في رحلة جوه قاعة مزادات كبيرة.. بس المزاد المرة دي مش على لوحات ولا أنتيكات، المزاد ده على "نفسك"، على وقتك، وعلى قيمتك اللي المجتمع بيحاول يسعّرها كل يوم.ليه بقينا بنزايد على بعض في قعدات الصحاب؟ وإزاي ممكن تكسب المزاد وتطلع في الآخر إنت الخاسر الوحيد؟.. كيرو بيشرح لنا ليه بقينا بنطارد "وهم القيمة" وبننسى جوهرنا المستخبي تحت تراب الأحكام.هنكتشف سوا إمتى لازم نرفع إيدينا ونرفض المزايدة. مش كل اللي بيتلمع دهب، ومش كل اللي سعره غالي يستحق إنك تبيع روحك عشانه، جهز فنجان قهوتك، وحضر قلبك لكلام يطبطب على روحك.

كل من اكتفى اختفى؟

Sat, 29 Nov 2025 19:26:16 +0000

في الحلقة الحادية والعشرون من بودكاست #أفكار_مع_فنجان_القهوة، كيرو بياخدنا في رحلة هادية عن “الشبع العاطفي وميزان العطاء”… ليه حياتنا من برة ممكن تبهر الناس؟ الحلقة دي هتخليك تشوف مين اللي يستحق قربك، وإزاي تحمي قلبك من استنزاف الطاقة والمشاعر.جهز فنجان قهوتك، وحضّر قلبك لكلام يطبطب على روحك

جائزة على شرف قلبها

Sun, 09 Nov 2025 18:37:06 +0000

في الحلقة العشرين من بودكاست #أفكار_مع_فنجان_القهوة، كيرو بياخدنا في رحلة عن العوض في الحب… عن إزاي العلاقة الغلط ممكن تكون أول خطوة في طريق الصح، وإزاي الراجل الخطأ في حياة الست ممكن يكون السبب في إنها تقابل الراجل الصح. الحلقة دي بتحكي عن التحوّل اللي بيبدأ من الوجع، عن الست اللي بتقوم من وسط الخسارة أقوى، أنضج، وأقرب لنفسها. مش دايمًا النهاية وجع… أحيانًا هي الباب اللي بيدخلك على حب جديد، ونسخة منك أجمل. جهز فنجان قهوتك، وحضّر قلبك لكلام يطبطب على روحك

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.com وكمان تقدروا تتابعوا كيرو على إنستجرام: www.instagram.com/keroragy

فنجان الأشواق

Sat, 25 Oct 2025 19:16:36 +0000

في الحلقة التاسعة عشر من بودكاست #أفكار_مع_فنجان_القهوة، بياخدنا كيرو في رحلة إلى جزيرة كريت، حيث يسافر بطل روايته لينعزل هناك من أجل الكتابة، في محاولة لفهم مشاعر الأشواق… الشوق للناس، وللأماكن، وللنسخة القديمة من نفسه. من فنجان القهوة اللي بيشربه في كافيه صغير على الجزيرة، لصورها اللي لسه محتفظ بيها على اللابتوب، وللحظات المواجهة بين الذكرى والنسيان — كلها فصول من حكاية إنسان بيحاول يتصالح مع قلبه. جهّز فنجان قهوتك، وحضّر قلبك لكلام يطبطب على روحك.

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.com وكمان تقدروا تتابعوا كيرو على إنستجرام: www.instagram.com/keroragykeroragy

ضيوف في حضرة روحي

Sat, 04 Oct 2025 19:53:41 +0000

في الحلقة الثامنة عشرة من بودكاست #أفكار_مع_فنجان_القهوة، كيرو بياخدنا في رحلة جوه الروح…رحلة بيجتمع فيها العاقل والعاطفي والطفل الداخلي، وكل النسخ اللي جوانا على طاولة واحدة.فيه جوانب فينا محدش يعرفها، وأصوات بنحاول نسكتها، لكنها بتفضل عايشة في الحوار الصامت بيننا وبين نفسنا.ليه جوانا ناس كتير؟ وليه أوقات بنفاجئ نفسنا بوشوش غريبة كأنها مش منّا؟حلقة بتكشف دواخلنا، بتقربنا من نوايانا، وبتعرّي الجزء اللي بنخاف نواجهه.جهز فنجان قهوتك، وحضر قلبك لكلام يطبطب على روحك.

الكحكة في أيدينا عجبة

Sat, 20 Sep 2025 19:16:38 +0000

في الحلقة السابعة عشر من بودكاست #أفكار_مع_فنجان_القهوة، كيرو بياخدنا لرحلة لحكاية بتبدأ بعربية قديمة في طريقها العجمي، لكنها في الحقيقة مشوار جوّه روح بطلها. من برّه الناس شايفاه صورة للنجاح والفرص، ومن جوّه شايل تعب ومعاناة وثمن كبير ما حدش يعرفه. الحلقة دي مش بس عن مشوار على الطريق، لكنها عن الأسئلة اللي بتوجعنا: ليه الناس بتحسدنا من غير ما تشوف اللي ورانا؟ وإزاي ممكن نتصالح مع الحقيقة اللي مش ظاهرة للعين؟ جهز فنجان قهوتك، وحضر قلبك لكلام يطبطب على روحك.

مشروع حب على طرابيزة قهوة

Sat, 06 Sep 2025 19:20:21 +0000

في الحلقة السادسة عشر من بودكاست #أفكار_مع_فنجان_القهوة، كيرو بياخدنا في رحلة درامية حوالين ثقافة الـ Coffee Dates اللي بقت جزء من مجتمعاتنا. جلست هي حوالين طاولة قهوة… قدام فنجان نصه مليان، تحكي عن مشاريع حب تبدأ بابتسامة أو موعد عابر، لكن سرعان ما تكشف قلوب مرتبكة بين احتياج ووَنس، وبين رغبة صادقة في محبة حقيقية. بين فستان مُعلَّق على شماعة الحيرة… وبين قلب لسه بيتمنى إن القعدة ما تكونش الأخيرة. في الرحلة دي هنسأل: هل بندخل العلاقات عشان محتاجين؟ ولا عشان لقينا الشخص الصح؟ ومتى تتحول القهوة من انتظار شريك… لطبطبة على قلبك في وحدتك؟ ☕ جهز فنجان قهوتك، وحضر قلبك لكلام يطبطب على روحك

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.com وكمان تقدروا تتابعوا كيرو على إنستجرام: www.instagram.com/keroragy

الطيبين ينقذهم الله

Sat, 23 Aug 2025 19:29:56 +0000

في الحلقة الخامسة عشر من بودكاست #أفكار_مع_فنجان_القهوة، كيرو بياخدنا في رحلة ورا السؤال اللي بيطارد قلوب كتير: هل الحياة عادلة فعلًا؟ساعات بنلاقي نفسنا مظلومين، بنشقى ونتعب، وبنشوف غيرنا بياخد فرص يمكن ما يستحقهاش. وساعات بنسأل: "ليه أنا؟ وليه مش غيري؟".يمكن الحياة مش دايمًا عادلة… لكن يمكن كمان يكون فيه يد خفية بترفع الطيبين في اللحظة اللي محتاجينها.جهز فنجان قهوتك، وحضر قلبك لكلام يطبطب على روحك.

معلومات مش أكيدة

Sat, 09 Aug 2025 20:00:36 +0000

في الحلقة الرابعة عشر من بودكاست #أفكار_مع_فنجان_القهوة كيرو بياخدنا في رحلة جوه لحظة النهاية… اللحظة اللي بنختار فيها نفسنا، بعد سنين من التعلق، من المحاولة، من التنازل. ليه أوقات بنكمّل في علاقة خلّتنا نخسر نفسنا؟ وليه بنخاف من الرحيل، رغم إن البقاء مؤلم؟ الحلقة دي بتحكي عن ست، وقهوة، وقرار… قرار ممكن أي حد فينا يكون أخده أو لسه بيهرب منه.\ الحلقة دي بتحكي عن وداع، مش معناه خسارة… بل بداية جديدة، أول سطر في حكاية جديدة. جهز فنجان قهوتك، وحضر قلبك لكلام يطبطب على روحك-.

أغنية (معلومات مش أكيدة) : كلمات والحان#زياد_الرحباني

غناء الكوفر: ماريلين نعمان

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.com وكمان تقدروا تتابعوا كيرو على إنستجرام: www.instagram.com/keroragy

كل ما دق بيانو.. بشتاق لك

Sat, 02 Aug 2025 19:28:21 +0000

في الحلقة الثالثة عشر من بودكاست #أفكار_مع_فنجان_القهوة، كيرو بياخدنا في رحلة ما بين نغمات الموسيقى والذكريات اللي مابتروحش… بعد خبر وفاة زياد الرحباني، بنفتح باب لأسئلة أعمق: إزاي بتسكن الذكريات في الموسيقى؟ وليه الحنين بيهزّنا لما نسمع صوت قديم أو أغنية نسينا إننا حافظينها؟ في تأملات حقيقية جوّه أغاني فيروز وكلمات زياد، بنقابل حكايات عن الحب، والخسارة، وصورة النفس اللي كنا عليها واحنا بنحب. جهز فنجان قهوتك، وحضّر قلبك لكلام يطبطب على روحك.

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على:

qahwapodcast@gmail.com

وكمان تقدروا تتابعوا كيرو على إنستجرام: www.instagram.com/keroragy

نعمة إنك مش زيهم

Sat, 19 Jul 2025 19:30:00 +0000

في الحلقة الثانية عشر من بودكاست #أفكار_مع_فنجان_القهوة، كيرو بياخدنا في تأمل إنساني عن نوع تاني من النجاة… النجاة اللي ملهاش علاقة بالخروج من التجربة، بل بالخروج منها وقلبك لسه نضيف.وسط الخوف، والخذلان، والتعب، في ناس بتتغيّر… وناس بتتلوّث من غير ما تحس. لكن في ناس تانية، بتعدّي من نفس النار، وبتخرج منها لسه إنسان.حلقة عن الاختلاف مش كميزة، لكن كاختبار يومي للنقاء. عن النجاة من التلوّث الأخلاقي، وعن الحلاوة اللي لسه جواك… رغم كل حاجة.جهّز فنجان قهوتك، وافتح قلبك لحكاية تطبطب على روحك.تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها.دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على:qahwapodcast@gmail.comوكمان تقدروا تتابعوا كيرو على إنستجرام:www.instagram.com/keroragykeroragy

لو بكرة نهاية العالم؟

Sat, 05 Jul 2025 20:29:49 +0000

في الحلقة الحادية عشر من بودكاست #أفكار_مع_فنجان_القهوة، كيرو بياخدنا في رحلة تأملية عن الهدوء، اللحظة، والتوازن النفسي. من أغنية كايروكي، لكلمات ستيف جوبز، لعُمق اللحظة اللي في إيدك دلوقتي… هنتكلم عن القلق، التأجيل، وضغط الحياة، وازاي نرجع لنفسنا وسط كل ده. الحلقة دي دعوة إنك تهدى، وتعيش على مهلك، وتفتكر إن القهوة، الراحة، والسلام الداخلي مش رفاهية… دول حقك. جهز فنجان قهوتك، وحضر قلبك لكلام يطبطب على روحك. تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.com وكمان تقدروا تتابعوا كيرو على إنستجرام: www.instagram.com/keroragy

فنجان الصبر على اختبارات الحياة

Sat, 21 Jun 2025 20:14:34 +0000

في الحلقة العاشرة من بودكاست #أفكار_مع_فنجان_القهوة، كيرو بياخدنا في رحلة مع فنجان من الصبر... بشربه في هدوء، وسط اختبارات الحياة اللي بتفاجئنا، تجرّحنا، لكنها في النهاية بتشكّلنا. في الحلقة دي، هنحكي عن المحن اللي بتعدي علينا، عن الأيام اللي بنحاول نصبر فيها... وإزاي نلاقي معنى جديد مع كل تجربة. جهز فنجان قهوتك، وحضر قلبك لكلام يطبطب على روحك.تقدرواتقدروا تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.comوكمان تقدروا تتابعوا كيرو على إنستجرام: www.instagram.com/keroragy

مين بيلعب في الثوابت؟

Sat, 14 Jun 2025 20:32:57 +0000

في الحلقة التاسعة من بودكاست #أفكار_مع_فنجان_القهوة، كيرو بيكلمنا عن الحاجات اللي فضلنا متمسكين بيها وسط كل حاجة بتتغير حوالينا.عن الثوابت اللي بنخاف نسيبها، مش عشان إحنا متأكدين منها، لكن لأنها آخر نقطة أمان.بس يا ترى… كل اللي فضل جوانا ثابت، كان فعلاً بيحمينا؟ولا في حاجات اتعلّقنا بيها، وكانت بتسرق مننا حريتنا بهدوء؟جهز فنجان قهوتك، وحضر قلبك لكلام يطبطب على روحك

دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على:qahwapodcast@gmail.com

وكمان تقدروا تتابعوا كيرو على إنستجرام:www.instagram.com/keroragy

هل منسوب الحنية قل؟

Sat, 31 May 2025 17:34:11 +0000

في الحلقة الثامنة من #أفكار_مع_فنجان_القهوة، بنسأل سؤال واحد: هل اختفت الحنية من حياتنا؟ من قلب أغنية وردة وهي بتسأل "الحنية طب فين هي؟"، بنغوص في هذا الشعور اللي بنحتاجه أكثر من أي وقت مضى.الحلقة دي مش مجرد كلام عن الحنية كصفة، لكنها رحلة نكتشف فيها ليه الحنية بتعني لنا الكثير، مش بس مع الناس اللي حوالينا، لكن كمان مع نفسنا، هل الحنية سر بقاء العلاقات؟ وهل ممكن نرجع نزرعها في قلوبنا وسط صخب الحياة؟..جهز فنجان قهوتك، وحضر قلبك لكلام يطبطب على روحك.

وكمان تقدروا تتابعوا كيرو على إنستجرام:www.instagram.com/keroragy

ماذا لو بطل حدوتك طلع جبان؟

Sat, 10 May 2025 19:42:03 +0000

في الحلقة السابعة من بودكاست #أفكار_مع_فنجان_القهوة، كيرو بياخدنا في رحلة هادية عن "وهم البطولة في الحب"… ليه بنرسم أدوار بطولة لناس ماستحقوهاش؟ وليه بنصدق إن النجاة هتيجي من برا مش من جوانا؟ الحلقة دي هتساعدك تشوف الحب بشكل مختلف، وتفهم إزاي توقف رهانك على الآخرين وتستعيد دور البطولة في حياتك. تخيل لو قدرت تكتشف مكانك الحقيقي وتبدأ تكتب قصتك من جديد، بعيد عن الأوهام. جهز فنجان قهوتك، وحضّر قلبك لكلام يطبطب على روحك.

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها. دايمًا بنحب نسمع تقييماتكم وآرائكم، لأنها بتشجعنا نكمل ونقدم محتوى يلهمكم. لو عندكم أي أفكار أو اقتراحات لمواضيع الحلقات الجاية، ابعتولنا على: qahwapodcast@gmail.com

وكمان تقدروا تتابعوا كيرو على إنستجرام: www.instagram.com/keroragy

إزاز عازل للبشر

Sat, 26 Apr 2025 19:30:00 +0000

في الحلقة السادسة من بودكاست #أفكار_مع_فنجان_القهوة، كيرو بيخدنا في رحلة داخل العزلة العاطفية… ساعات بنفصل نفسنا عن الناس، مش لأننا مش محتاجينهم، لكن لأننا مش قادرين نكون كاملين قدامهم. هل العزلة وسيلة للحماية ولا هي مجرد هروب؟ وفي لحظات الوحدة دي، هل ممكن نكتشف جوانب من أنفسنا ما كناش شايفينها؟ الحلقة دي هتجاوب على أسئلة ما بنسألهاش كتير، وتفاصيل ما بنقدرش نشاركها بسهولة. جهز فنجان قهوتك، وحضر قلبك لكلام يطبطب على روحك.

هانفرح بيك امتى؟ (قهوة على رصيف انتظار الجواز)

Sat, 05 Apr 2025 20:18:14 +0000

في الحلقة الخامسة من بودكاست #أفكار_مع_فنجان_القهوة، كيرو بياخدنا في رحلة وسط الأسئلة اللي بتطاردنا في كل لقاء عائلي، في كل فرح، في كل لحظة بنحس فيها إننا متأخرين عن سباق مش عارفين مين اللي حدده. "هانفرح بيك امتى؟" مش مجرد سؤال، ده صوت المجتمع وهو بيحاول يرسم لنا شكل معين للسعادة، وكأن الفرحة ليها توقيت محدد، وكأن الإجابة لازم تكون بتاريخ محدد، مش إحساسك الحقيقي.في الحلقة دي، بنتكلم عن فكرة الانتظار.. عن القطار اللي ناس بتجري عشان تلحقه، وناس تانية مستنية القطار الصح.. عن الرضا باختيارك، وعن معنى الفرحة لما تكون نابعة من جواك، مش مجرد محطة لازم توصلها.. جهز فنجان قهوتك، وحضر قلبك لكلام يطبطب على روحك.

وعايزنا نرجع زي زمان؟

Mon, 17 Mar 2025 20:58:44 +0000

في الحلقة الرابعة من بودكاست #أفكار_مع_فنجان_القهوة، كيرو بياخدنا في رحلة بين الذكريات والتساؤلات اللي جوانا. "عايزنا نرجع زي زمان؟" سؤال مش بس من أغنية أم كلثوم، لكنه تساؤل بيطاردنا كل ما نفتكر الماضي. هل الحنين للماضي سببه إنه كان أحلى؟ ولا لإننا لسه مش متصالحين مع اللي بقينا عليه؟ في الحلقة دي، هنتكلم عن الذكريات اللي مش بتفارقنا، عن الفرص اللي بنفتكر إنها ضاعت، وعن السؤال اللي دايمًا بيرن في دماغنا: لو رجعنا بالزمن.. هل هنغيّر حاجة؟ جهز فنجان قهوتك، وحضر قلبك لكلام يطبطب على روحك.

وكمان تقدروا تتابعوا كيرو على إنستجرام:www.instagram.com/keroragy

تفاصيل لا تحكى إلا لله

Sat, 08 Mar 2025 17:59:36 +0000

في الحلقة الثالثة من بودكاست #أفكار_مع_فنجان_القهوة، كيرو بياخدنا في رحلة جوه التفاصيل اللي مبتتحكيش… الحكايات اللي بنخبيها جوانا، واللي مفيش غير ربنا بيسمعها. فيه كلام بنسكت عنه، مش عشان مالوش قيمة، لكن لأنه أعمق من إنه يتقال بكلام عادي. ليه ساعات بنختار نخليها بينا وبين نفسنا؟ وإزاي التفاصيل اللي مبتتحكيش بتفضل عايشة جوانا، تشكلنا، وتغيرنا من غير ما نحس؟ جهز فنجان قهوتك، وحضر قلبك لكلام يطبطب على روحك.

وكمان تقدروا تتابعوا كيرو على إنستجرام:www.instagram.com/keroragy

بتنبسطوا في الفالنتين ده يا عماد؟

Sat, 15 Feb 2025 17:59:23 +0000

في الحلقة التانية من بودكاست #أفكار_مع_فنجان_القهوة، كيرو بيشاركنا قصة شخصية عن عيد الحب، وسؤال عميق: هل فعلاً يوم 14 فبراير مختلف عن أي يوم تاني في العلاقة؟ هل الحب مرتبط بالمظاهر الاجتماعية ولا ممكن نعيش عيد حب مع أنفسنا؟ بيناقش كيرو في الحلقة دي إزاي نقدر نعيد تعريف معنى الحب والسعادة في ظل التوقعات الاجتماعية، وبيقدم لك أفكار تفتح أبواب جديدة لعلاقة حقيقية مع نفسك. جهز فنجان قهوتك، وحضّر قلبك لأفكار تفرق في يومك، وكلام يطبطب على روحك.

تقدروا تتفرجوا على الحلقات على قناتنا على يوتيوب أو تسمعوها من خلال أي منصة بودكاست بتفضلوها.

وكمان تقدروا تتابعوا كيرو على إنستجرام: www.instagram.com/keroragy

فاضي شوية نشرب قهوة في حتة بعيدة ؟! (حلقة افتتاحية)

Sat, 08 Feb 2025 16:42:44 +0000

في الحلقة الأولى من بودكاست 'أفكار مع فنجان القهوة" كيرو بيشاركنا قصته عن أهم فنجان قهوة في حياته، وبيحكي فيها عن أوقات الوحدة والونس، وبنكتشف إزاي التفاصيل الصغيرة زي فنجان قهوة لوحدك ممكن يغير مشاعرنا ويمكن حياتنا. وبيطرح فيها تساؤلات عميقة عن معنى الونس الحقيقي؟! جهز فنجان قهوتك، وحضر قلبك لأفكار تفرق في يومك وكلام يطبطب على روحك.

وكمان تقدروا تتابعوا كيرو على إنستجرام:www.instagram.com/keroragy

برومو الموسم الأول

Wed, 22 Jan 2025 12:41:41 +0000

فنجان قهوة مظبوط، مزيكا، ورقة وقلم وشوية أفكار، قاعدة بسيطة وهادية مع صديق قريب لقلبك، هدفها تنظيم أفكارك، واستعادة سلامك النفسي، والتعامل مع تقلبات الحياة. جاهز تشرب قهوتك مع كيرو؟!